សូមស្វាគមន៍

ស៊ីងហ្គាពួ ខេមបូឌា អ៊ីនធើណេសិនណល អេឃើដឺមី​ (SCIA)  ដែល​ជា​​សមាជិករបស់ Singapore Institute of Management (SIM)  នាំជូនការអប់រំដែលមានគុណភាព​ខ្ពស់​បែប​សិង្ហបុរី​​មកកាន់ទីក្រុងភ្នំពេញ​ ប្រទេសកម្ពុជា។ SIM គឺជាម្ចាស់ភាគហ៊ុនទាំងស្រុងរបស់ SCIA ដែល​មាន​ប្រវត្តិ​ច្រើនជាង​ហាសិបឆ្នាំ​ក្នុង​ការ​ផ្តល់​ជូន​នូវ​​ការ​អប់រំ​ឯកជន​ និង​ការ​សិក្សា​ពេញ​មួយ​ជីវិត​។SCIA មាន​មោទនភាព​​ក្នុង​នាម​ជា​សាលា​ដែល​ល្អ​​លេចធ្លោតែ​មួយ​គត់​ក្នុង​រាជធានី​ភ្នំពេញ​ ដោយ​មាន​​ថ្នាក់ដឹកនាំ​សាលារៀន​ដែល​មាន​ការ​ប្តេជ្ញាចិត្តខ្ពស់​ ​មាន​ជំនួយ​ពី​អ្នកអប់រំ​ដែល​មាន​សមត្ថភាពមក​ពី​ប្រទេសសិង្ហបុរី​ ដោយ​ធានា​​នូវ​ភាពច្បាស់លាស់​​នៃ​ការ​អប់រំលក្ខណៈអន្តរជាតិ​និង​តាមបែប​សិង្ហបុរី​រួម​បញ្ចូល​គ្នា​។​ បន្ថែម​ពី​លើ​នេះ​ទៅ​ទៀត​ អ្នកគ្រប់គ្រងរចនាសម្ព័ន្ធក្នុងសាលារៀន និងគ្រូបង្រៀនទាំងអស់សុទ្ធសឹងតែត្រូវបានសម្រិតសម្រាំងយ៉ាងល្អិតល្អន់មកពីជុំវិញ​ពិភព​លោក​ (អាមេរិក អឺរ៉ុប អូ​សេអានី​ និង​អាស៊ី)។ SCIA បន្ត​វិនិយោគទៅ​លើ​ការ​អភិវឌ្ឍ​មុខ​ជំនាញវិជ្ជាជីវៈ​បន្ថែមសម្រាប់គ្រូទាំងអស់ ​​ជាមួយនឹង​មជ្ឈមណ្ឌល​បណ្តុះបណ្តាលគរុកោសល្យ (EDC) របស់សាលាផ្ទាល់​។

សិស្សានុសិស្ស​របស់​យើង​នឹង​បញ្ចប់​ការ​សិក្សា​​ជាមួយ​នឹងសញ្ញាបត្ររបស់ខេមប្រ៊ីជ (Cambridge) ដែលទទួលស្គាល់នៅទូទាំងពិភពលោក។ កម្មវិធី​សិក្សា​​គ្រប់ជ្រុងជ្រោយ​ រួមមាន​​ផ្នែក​ពុទ្ធិ ផ្នែក​សោភ័ណវិជ្ជា ផ្នែក​សីលធម៌ ផ្នែកសរីរៈ​ និង​ផ្នែក​សង្គម​ នឹងធ្វើ​ឲ្យ​សិស្ស​បញ្ចប់​ការសិក្សា​នៅ SCIA  មាន​សមត្ថមានគ្រប់គ្រាន់។

SCIA នឹង​ប្រកាន់ខ្ជាប់​នូវ​គោលជំនឿ​របស់ SIM អំពី “ការប្រព្រឹត្ត​ល្អ​​”​ នៅ​គ្រប់​ផ្នែក​ទាំង​អស់​ និង​ “ការ​ធ្វើ​ល្អ​” ​គ្រប់បែប​យ៉ាង​ចំពោះ​សហគមន៍​ដែលខ្លួ​ន​​បម្រើ​ការងារ​។ “ការធ្វើល្អ”​ មានន័យ​ថាជា​ការ​​តបស្នង​ទៅ​សហគមន៍​វិញ។ តាមរយៈមជ្ឈមណ្ឌល EDC សាលា​ SCIA នឹង​ស្វែង​រក​វិធី​នានា​ដើម្បី​ចូល​រួម​ចំណែក​​ក្នុង​ការ​លើកកម្ពស់​​គុណភាព​នៃ​ការ​បង្រៀន ​​តាមរយៈ​គំនិត​ផ្តួច​ផ្តើម​កសាង​សមត្ថភាព​ ការ​អភិវឌ្ឍ​ជំនាញ​វិជ្ជាជីវៈ និង​ការ​ចែករំលែក​ការ​អនុវត្ត​ដែល​ល្អ​ប្រសើរ​បំផុត​។​ យើង​នឹងភ្ជាប់ទំនាក់ទំនង និងប្រឹក្សា​យោបល់​ជាមួយ​រដ្ឋា​ភិបាល​ និង​ភាគី​ពាក់ព័ន្ធ​ដើម្បី​ពិនិត្យ​មើលថា​តើ​យើង​អាច​ដើរតួនាទី​កែលម្អយ៉ាង​ដូចម្តេច​នៅក្នុង​វិស័យ​​អប់រំ​ក្នុង​ប្រទេស​កម្ពុជា​។ កិច្ចខិត​ខំប្រឹងប្រែង​​សម្រាប់​ការទទួល​ខុសត្រូវផ្នែក​​សង្គម​​ (CSR) រួមមាន​ការ​ផ្តល់​នូវ​អាហារូបករណ៍ រង្វាន់សិក្សា និង​ការ​គាំទ្រ​សម្រាប់​បុព្វហេតុ​សង្គម ឬ​សម្រាបគំនិត​ផ្តួចផ្តើមសហគមន៍​សម្រាប់​ការ​អប់រំ យុវជន និង​កុមារ​។

កម្មវិធី​សិក្សា​អន្តរជាតិ​ដែល​ល្អ​ផ្តាច់​គេ​របស់ SCIA ​លើស​ពី​ការ​អប់រំ​​ក្នុង​ថ្នាក់​រៀន​ផ្សេងៗ។ កម្មវិធី​សិក្សាចំបងរបស់យើងរួមមាន​​៖ STEM (វិទ្យាសាស្រ្ត បច្ចេកទេស វិស្វកម្ម និង​គណិតវិទ្យា) ភាព​ជា​ដឹកនាំ សហគ្រិនភាព និង​កម្មវិធី​អភិវឌ្ឍ​ន៏ទេពកោសល្យ​ ត្រូវ​បាន​​រៀប​ចំ​ពិសេស​​ដើម្បី​ផ្តល់អោយសិស្សានុសិស្សរបស់​យើងនូវភាពខ្លាំង​ដើម្បី​ឲ្យ​ត្រៀម​ខ្លួន​ទៅ​ថ្ងៃ​អនាគត។

ដូច​ជា​សុភាសិត​មួយ​ឃ្លា​​លើកឡើង​ថា៖ “គេ​ត្រូវ​ការ​មនុស្ស​មួយ​ភូមិដើម្បី​អប់រំ​កុមារ​ម្នាក់” SCIA គឺ​ជា​សហគមន៍​សម្រាប់ការសិក្សា​ ហើយ​​ឪពុកម្តាយ​គឺ​ជាដៃគូ​ដ៏​សារៈសំខាន់បំផុត​​នៅ​ក្នុង​ដំណើរ​អភិវឌ្ឍន៏​របស់​កុមារ​។ សូម​មកចូលរួម​​ជា​មួយ​ភូមិសិក្សា​​របស់​យើង​ សូម​ធ្វើ​ជាដៃ​គូ​ក្នុងការ​អប់រំ​មនុស្ស​ជំនាន់​ក្រោយ​​ និង​ធ្វើ​ការ​រៀបចំ​កូនចៅ​របស់​យើងក្នុងការ​ត្រៀម​សម្រាប់​អនាគត​ ដើម្បី​ក្លាយ​ជាអ្នកដឹកនាំ​ដ៏​ឈ្លាសវៃ​បំផុត​ដែល​ពួក​គេ​អាច​ធ្វើ​បាន។

Anselm Chu

អគ្គនាយកគ្រប់គ្រង & អគ្គនាយកសាលា
សមាជិក SIM (ចាប់តាំងពីឆ្នាំ1990)
អតីតសិស្សរបស់ SIM (1991-1994)
សាស្រ្តាចារ្យរង SIM (2013-2016)
បុគ្គលិក SIM (ចាប់តាំងពីឆ្នាំ2014)

“ការ​អប់រំ​គឺ​ជា​យានឆ្ពោះ​​ទៅ​កាន់​អនាគត​ អ្នក​ដែល​​ត្រៀម​ខ្លួនក្នុងពេលនេះគឺ​​សម្រាប់​អនាគត​របស់​គេ​នៅ​ថ្ងៃ​ស្អែក​។” - Malcolm X

ការ​អប់រំគឺ​ជា​ដំណើរ​​ឆ្ពោះ​ទៅរកការ​​សម្រេច​បាន​លទ្ធភាព​សិក្សា​គ្មានដែន​កំណត់​។

ការ​បង្កើតសាលា SCIA ​ជា​កិច្ចខិត​ខំ​ប្រឹងប្រែង​រួម​របស់​យើង​ក្នុង​ការ​ផ្តល់​ជូន​នូវ​ការ​អប់រំ​មួយ​ដែលផ្តោត​សំខាន់លើគុណតម្លៃ​និង​ភាព​ល្អិត​ល្អន់។ ពុំមាន​អ្នក​ណា​ម្នាក់អាច​ទស្សន៍​ទាយ​ពី​អនាគត​​បាន​នោះ​ទេ ប៉ុន្តែក្រុមរបស់​យើង​​ដែល​មាន​ថ្នាក់​ដឹកនាំ​​មានការ​​​ប្តេជ្ញា​ចិត្ត​ និង​គ្រូបង្រៀន​វិទ្យាល័យ​ដែល​មាន​​មហិច្ឆតាខ្ពស់ នឹង​ជួយ​សិស្សានុសិស្ស​របស់​យើង​​ក្នុង​ការ​បង្កើត​ចំណេះ​ដឹង​ និង​ជំនាញ​ដែល​អាច​ប្រើប្រាស់​ដើម្បី​ប្រឈមមុខ​នឹង​ភាព​មិនច្បាស់​លាស់​ និង​បញ្ហា​ប្រឈមនានា​​នៅ​ថ្ងៃខាង​មុខ​។

ក្នុងការ​សម្របខ្លួនជាមួយ​នឹង​ពិភព​លោក​ពិតប្រាកដ​ អ្នក​ដឹកនាំអនាគត​នឹង​ត្រូវ​ធ្វើ​ការ​វិនិយោគ​ពេលវេលា​ និង​ថាមពល​​ដើម្បីអភិវឌ្ឍខួរក្បាល​ ចិត្តគំនិត និង​កាយ​សម្បទា​ សម្រាប់​ដំណើរ​ការនៃ​ការ​សិក្សា​។ កម្មវិធី​សិក្សា​អន្តរជាតិ​របស់ខេមប្រ៊ីជ (Cambridge) ​ដែល​មាន​ការ​ទទួល​ស្គាល់​ទូលំទូលាយ​ នឹង​ជួយ​បំពេញ​ចំណេះ​ដឹង​​ដល់​សិស្សានុសិស្ស​​ក្នុងការវិភាគវែកញែក(​ខួរ​ក្បាល) ​​ដើម្បី​ធ្វើ​ការសម្រេចចិត្ត​​សម្រាប់​​ដំណើរ​ការ​សិក្សា​។ កម្មវិធី​អប់រំសាកល​ផ្នែកអាកប្បកិរិយា​របស់​យើង នឹង​ផ្តល់​ជូន​នូវ​ក្រមសីលធម៌ (ចិត្តគំនិត) ដើម្បី​ជាចង្កូត​ក្នុងការតម្រែ​ត​ម្រង់​​សិស្សានុសិស្ស​ឆ្ពោះ​ទៅ​រក​ទិស​ដៅ​​ប្រកបដោយ​សុចរិតភាព និង​មាន​មោទនភាព​។ បណ្តុំ​សកម្មភាព​សិក្សា​ ​ និង​ឱកាស​សិក្សាផ្សេងៗនៅសាលា SCIA  នឹង​ផ្តល់ជូន​នូវទំរង់ (កាយសម្បទា​) ដើម្បី​ឲ្យ​សិស្សានុសិស្សគិត​ដោយ​ភាព​ច្នៃ​ប្រឌិត​ ចេះ​ធ្វើ​ការ​ពិសោធន៍ និង​មាន​ភាព​ស្ទាត់​ជំនាញ​។ តាមរយៈ​​ខួរក្បាល ចិត្ត​គំនិត​​ និង​កាយ​សម្បទា​ដែលបាន​​សម្របសម្រួល​ និង​ធ្វើ​ការ​រួម​គ្នាដោយ​រលូន​​​ ​សិស្ស​នៅ SCIA ​​នឹងមានសមត្ថភាពក្នុងការនិយាយ​ ការអនុវត្ត ការដឹកនាំ និងការដោះស្រាយបញ្ហាផ្សេងៗនៅថ្ងៃមុខ​ដោយ​មាន​ទំនុក​ចិត្ត​​។

សម្រាប់​អ្នក​ផ្សងព្រេង​វ័យក្មេងទាំងឡាយ​ តើមាន​អ្នក​បាន​ត្រៀមខ្លួន​ក្នុងការ​ធ្វើ​ដំណើរ​របស់​អ្នក​ហើយ​ឬនៅ? ប្រសិន​បើហើយ​​ សូម​យក​មក​ជាមួយ​នូវ​លិខិត​ឆ្លង​ដែន​ការសិក្សា​របស់​អ្នក រៀប​ចំ​វ៉ាលី​របស់​អ្នក​ជាមួយ​នឹង​អារម្មណ៍​ទូលំទូលាយ​ និង​សេចក្តីរីករាយក្លៀវក្លា​ និង​ពាក់ខ្សែក្រវាត់​ដើម្បី​ធ្វើ​ដំណើរ​។ យើង​ចាប់​ផ្តើម​អនុវត្ត​​ដំណើរ​នៃ​ការ​សិក្សា​ដ៏​សប្បាយរីករាយ​​ក្នុង​ការ​រុករក ស្វែង​យល់ និង​ការ​​បង្កើតថ្មី​ទាំង​អស់​គ្នា ។

Kong Hwee Ling

នាយក
វិទ្យាល័យ

អំណោយដ៏​ល្អ​បំផុតដែលឪពុកម្តាយ​អាច​ផ្តល់​ជូន​កូនៗ គឺអំណោយ​​នៃ​ការ​សិក្សា​។ ការស្វែង​​រក​សាលា​ដែល​សាកសមទៅ​​នឹង​ក្តីរំពឹងទុក ពិតជាត្រូវការ​ប្រើប្រាស់​​ពេល​វេលា​ច្រើនដើម្បីយល់ដឹងអោយច្បាស់​​អំពី​សាលារៀន​នោះ​​​។

ការជ្រើសរើសសាលាមត្តេយ្យ​សិក្សាដ៏ល្អបំផុត ​នឹង​ធានា​ថាអ្នកសិក្សា​ទទួល​បាន​ការ​ត្រៀមរៀបចំ​ខ្លួន​បាន​​ត្រឹមត្រូវ​ ដើម្បី​បន្ត​ការសិក្សា​ទៅ​កម្រិត​ខ្ពស់​ៗ​បន្ត​ទៀត​។ នៅ​កម្រិតមត្តេយ្យសិក្សា​ បំណិនសង្គម​នឹង​ត្រូវ​បាន​​បង្រៀនយ៉ាងយកចិត្តទុកដាក់​ ព្រោះវា​នឹង​ជួយ​ធ្វើ​ឲ្យសិស្ស​មាន​លទ្ធផល​វិជ្ជមាន​នៅ​ក្នុង​ផ្នែក​ពុទ្ធិ។ មត្តេយ្យសិក្សា​របស់​ SCIA នឹងច្របាច់​បញ្ចូល​គ្នា​នូវ​ការ​អនុវត្ត​ដែល​ល្អ​ប្រសើរ​បំផុត​ពី​​កម្មវិធី​សិក្សា​របស់​សិង្ហបុរី​និង​ចក្រភព​អង់គ្លេស​។

នៅ​កម្រិត​បឋមសិក្សា សាលា SCIA នឹង​នាំយក​ប្រព័ន្ធ​អប់រំ​សិង្ហបុរី​ដែល​មាន​ភាព​ល្បី​ល្បាញ ហើយនឹង​បង្ហាត់បង្រៀន​ដោយ​​អ្នក​អប់រំ​ដែល​ធ្លាប់មាន​បទពិសោធន៍​​​បង្រៀន​ក្នុង​ប្រទេស​សិង្ហបុរី​។ ចំណាត់​ថ្នាក់​លំដាប់កំពូល​​នៃ​ប្រព័ន្ធ​អប់រំ​របស់​សិង្ហបុរី​​នៅ​ក្នុង​ពិភពលោក​ ត្រូវ​បាន​ចងក្រង​ជា​ឯកសារ​ទុក​​ដោយ​ការ​ស្រាវ​ជ្រាវ​ឯករាជ្យ​ជា​ច្រើន​ដែល​ក្នុង​នោះ​រួមមាន​ TIMSS, PIRLS និង PISA ជា​ដើម។ នៅ​ក្នុង​ឆ្នាំ​2017 សិង្ហបុរី​​ក៏​ស្ថិត​នៅ​ចំណាត់​ថ្នាក់​លំដាប់កំពូល​សម្រាប់​ផ្នែក​នៃ​ការ​ដោះ​ស្រាយ​បញ្ហា​ផង​ដែរ​។ ការ​អប់រំ​របស់​សិង្ហបុរី​ បើកឱកាសទូលំទូលាយដល់​ពិភព​លោក។

ដើម្បី​ផ្តល់​នូវ​បទពិសោធន៍លំដាប់អន្តរជាតិ​ដល់​ SCIA ​បាន​ជ្រើសរើស​យក​គ្រូបង្រៀន​ជាច្រើន​ដែល​មាន​ជាតិសាសន៍​ផ្សេងៗ​គ្នា​ ដែល​មាន​គុណវឌ្ឍន៏​ខ្ពស់​​នៅ​​ជំនាញ​របស់​ខ្លួន​។ យើង​ធានា​ថា​សិស្សានុសិស្ស​​ទទួល​បាន​ការសិក្សាអំពី “​សាកលភាវូបនីយកម្ម”​ នៅ​ក្នុង​សាលារៀន​។

នៅ​សាលា SCIA យើង​ជឿថា សិស្សានុសិស្ស​​ពេញ​ចិត្ត​នឹង​ដំណើរ​ការ​សិក្សា​​ដែល​មាន​លក្ខណៈ​ច្បាស់​លាស់​ រួម​ជាមួយ​នឹង​គុណតម្លៃ​មូលដ្ឋាន​រឹង​មាំ​។ គ្រូបង្រៀន​របស់​ខ្ញុំ និង​ខ្ញុំ​ធានាថា​សិស្សានុសិស្ស​នឹង​ទទួល​បាន​បទពិសោធន៍​សិក្សា​គ្រប់ជ្រុងជ្រោយ​​ ដែល​គ្របដណ្តប់លើ​ផ្នែក​ពុទ្ធិ សោភ័ណវិទ្យា សីលធម៌ សរីរៈ​ និង​សង្គម។ ដើម្បីធានា​ថា​សិស្សានុសិស្ស​របស់យើង​នៅ​បន្ត​ផ្សាភ្ជាប់​ចំណេះដឹងក្នុង​ពេល​អនាគត​ យើង​បាន​បង្រៀន​ពួកគេនូវ​​ជំនាញ​​នៅ​ក្នុង​សតវត្សទី21 ដែលរួមមាន​ការគិតពិចារណាយ៉ាងស៊ីជម្រៅ​ ការ​ច្នៃ​ប្រឌិត ការ​ទំនាក់ទំនង និង​កិច្ចសហប្រតិបត្តិការ​។

ប្រៀបបាន​ទៅនឹង​អាគារ​មួយ​ដែល​ត្រូវ​ការ​គ្រឹះ​រឹង​មាំ​ដើម្បី​អាច​ឈរ​បាន​​យូរ​អង្វែង SCIA សន្យា​យ៉ាងមុតមាំថា​​ នឹង​ផ្តល់​ជូន​ដល់សិស្សានុសិស្ស​នូវ​មូលដ្ឋាន​គ្រឹះ​ដ៏​រឹងមាំ​ដែល​ចាំ​បាច់​សម្រាប់​​ការសិក្សា​នានា​ដែល​លើស​ពី​ថ្នាក់​មត្តេយ្យសិក្សា​ និង​បឋមសិក្សា​។

ក្នុង​ភាព​ជា​ដៃគូ​ជា​មួយ​មាតាបិតា​សិស្ស បុគ្គលិក​របស់​ខ្ញុំ​នឹង​ធ្វើ​ឲ្យ​ក្តី​ស្រមៃ​របស់​សិស្ស​ក្លាយ​ជា​ការ​ពិត​ និង​អាច​មើល​ឃើញ​ពួកគេ​រីក​ចម្រើន​រឹងមាំ​ពី​មួយ​កម្រិត​ទៅមួយ​កម្រិត​។

Ismail Abdul Samat

នាយក
បឋមសិក្សា