គ្រោង​ការ​អភិវឌ្ឍន៍សាលារៀន​ដែល​រួម​បញ្ចូល​គ្នា​

គ្រោង​ការ​អភិវឌ្ឍន៍សាលារៀន​ដែល​រួម​បញ្ចូល​គ្នា​​របស់​ SCIA

គ្រោង​ការ​អភិវឌ្ឍន៍សាលារៀន​ដែល​រួម​បញ្ចូល​គ្នា​​របស់​ SCIA រួមមាន​ផ្នែក​ដែល​ពាក់ព័ន្ធ​គ្នា​ចំនួន​ប្រាំ៖ គ្រោងការ​កម្មវិធីសិក្សា​ (រូបចង្កូត​នាវា) គ្រោងការ​គរុកោសល្យ (រូបយុថ្កា​) គ្រោងការ​វាយតម្លៃ (រូបកែវយិត) គ្រោងការ​អភិវឌ្ឍន៍​សិស្ស​ (រូបត្រីវិស័យ) និងគ្រោងការ​អភិវឌ្ឍន៍​ទេពកោសល្យ  (រូបទូកក្តោង​)។ បើមើល​ជា​រួម គ្រោង​ការ​បង្ហាញ​ពី​គោលវិធីស៊ីជម្រៅ​របស់​ SCIA ចំពោះ​ការ​ផ្តល់បទពិសោធន៍​សិក្សា​ដែលមាន​​​គុណភាព​​សម្រាប់សិស្សានុសិស្ស​គ្រប់រូប​ ដែល​បានចូល​មកសិក្សា​នៅ​​ SCIA។​ សិស្ស​របស់​ SCIA នឹងទទួលបាន​ការ​សិក្សា​​បែប​គ្រប់ជ្រុងជ្រោយ​ដោយរួមបញ្ចូលការ​បណ្តុះ​បណ្តាល​​​​នូវ​​ជំនាញ​​ពាក់ព័ន្ធ​នានា អាកប្បកិរិយា និង​ចំណេះ​ដឹង​ដែលអាច​ឲ្យ​ពួកគេ​បន្តនូវ​លទ្ធភាព​សិក្សា​គ្មាន​​ដែន​កំណត់​​ក្នុង​ជីវិតរស់នៅ​​។

  • គ្រោងការកម្មវិធីសិក្សា រូបចង្កូតនាវា

    តំណាង​ដោយ​ចង្កូតនាវា​ កម្មវិធីសិក្សា​នេះ​កាច់ចង្កូត​សាលា​តម្រង់​ទៅ​​រក​គោលបំណង​ដែល​ខ្លួន​ចង់បាន​។ សិស្សានុសិស្ស​របស់​យើង​នឹង​ទទួលបានបទពិសោធន៍សិក្សាលក្ខណ​:​សិស្សមជ្ឈមណ្ឌលដែល SCIA ផ្តល់ជូន​ ។ ការ​អប់រំ​តាមបែបគ្រប់ជ្រុងជ្រោយ ការ​អប់រំ​ផ្សារភ្ជាប់​​ទៅនឹងការ​អនុវត្ត​ (ការអភិវឌ្ឍ​សហគ្រិនភាព និង​ភាព​ជា​អ្នកដឹកនាំ) និង​សមត្ថភាព​ក្នុង​សតវត្សទី 21 ជាកត្តាសំខាន់ក្នុងការកំណត់​គ្រោងការ​​​កម្មវិធីសិក្សា​។

  • គ្រោងការគរុកោសល្យ រូបយុថ្កា

    គ្រោងការ​គរុកោសល្យ​របស់​យើង​ គឺ​តំណាង​ដោយ​យុថ្កា ដែល​ជា​និមិត្ត​សញ្ញា​នៃ​ការ​ប្តេជ្ញា​ចិត្ត​របស់​សាលា​រៀន​​ចំពោះ​គោលវិធី​ស្ថាបនា​​សម្រាប់​ការ​បង្រៀន​។ នៅក្នុងបរិបទសិក្សាបែប​សិស្សមជ្ឈមណ្ឌល​ មេរៀន​នានា​ត្រូវ​បាន​រៀប​ចំ​ឡើង​ដើម្បី​បង្កើត​ឲ្យ​មាន​កិច្ចសហប្រតិបត្តិការ និង​ការសួរសំណួរ​ ដែល​សិស្សានុ​សិស្ស​​មាន​ឱកាស​ក្នុងការ​សិក្សា​នៅក្នុង​បរិបទ​ជាក់ស្តែង​និង​តាម​ការ​ពិសោធន៍។

  • គ្រោងការវាយតម្លៃ រូបកែវយិត

    តំណាង​ដោយ​កែវ​យិត​ គ្រោងការ​វាយតម្លៃ​នេះផ្តោត​ជា​សំខាន់​លើ​ការ​ប្រើប្រាស់​ការ​វាយតម្លៃ​ដែល​មាន​អត្ថន័យ​ (ទាំង​លើ​វឌ្ឍនភាព​ និងទៅលើ​លទ្ធផល​ទទួលបាន​​) ដើម្បីផ្តល់ជូននូវភាព​ច្បាស់​លាស់​​លើ​ដំណើរ​ការ​នៃ​រៀនសូត្រ​ ការ​ផ្តល់​នូវ​មតិកែលម្អ​ឲ្យ​ទាន់​ពេលវេលា​និង​មាន​សារៈប្រយោជន៍​ដល់​គ្រូនិង​សិស្ស​។

  • គ្រោងការអភិវឌ្ឍសិស្ស រូបត្រីវិស័យ

    ត្រីវិស័យត្រូវ​បាន​ប្រើប្រាស់​ជា​និមិត្តសញ្ញា​​នៃ​គ្រោងការ​អភិវឌ្ឍ​ន៍សិស្ស​របស់​យើង​ ដែល​សិស្ស​ធ្វើ​ការ​ស្វែង​រក​ទិសដៅ​ដើម្បី​ក្លាយ​ខ្លួន​ជា​អ្នកដឹកនាំ​ដ៏​ល្អ​។ សិស្សានុសិស្ស​ត្រូវ​បាន​ណែនាំ​ឲ្យ​ប្រើប្រាស់​ ខួរក្បាល (ចំណេះដឹង) ចិត្ត​គំនិត (អាកប្ប​កិរិយា​) និងកាយ​សម្បទា​ (សកម្មភាព) ដើម្បី​ធ្វើឲ្យ​មាន​ការ​ផ្លាស់ប្តូរ​ជាវិជ្ជមាន​ចំពោះ​ពិភព​នៅ​ជុំវិញ​ខ្លួន​ពួកគេ​។​

  • គ្រោងការអភិវឌ្ឍទេពកោសល្យ រូបទូកក្តោង

    យើង​ជឿជាក់ថា​ ការ​បណ្តុះបណ្តាលចំណុច​ខ្លាំង​របស់​សិស្ស​ម្នាក់ៗ​ គឺពិតចាំ​បាច់​​ដើម្បី​ឲ្យ​សិស្ស​​ស្វែង​យល់​ពី​សក្តានុពល​ពេញ​លេញ​របស់​ខ្លួន​។ ដូច​ជា​ក្តោង​នៅ​លើ​នាវា​ដែរ​ កម្មវិធី​អភិវឌ្ឍន៍​ទេពកោសល្យ​ (សិក្សាធិការ សហគ្រិនភាព និង​ភាព​ជា​អ្នកដឹកនាំ) ជួយ​នាំ​សិស្ស​ទៅ​បាន​ឆ្ងាយ​ និង​លឿន​ជាង​មុន​​ក្នុង​ការ​​​បន្ត​លទ្ធភាពសិក្សា​របស់​ពួកគេដែល​គ្មាន​ដែន​កំណត់។